Ubaxii murugada
$10.99
Buuggan waxa qortay Saynab Xaaji Axmed “Ugbaad”
Haddii aad jeceshahay buugta sheekooyinka ah waliba aan ka koobnayn hal sheeko, oo uu arinkaasi adiga xiise gaar ah kuu abuuro, Ubaxii Murugadu waa sheeko-tabiye aad la ashqaraari doonto, waa buug sheekooyin kala jaadad ahi ku urursan yihiin, waa buug sheekooyinka lagu dhex qoray dhamaantood ay yihiin kuwo u qoran hab-fudud oo qofkastaa akhrisan karo, markale, sheeko kasta oo ku taal ay u taagan tahay oo gudbinayso duruufo, nololo iyo wajiyo kala geddisan.
Bilowga sheekada koobaad ayaa habkan ku bilaabmaysa, maxaad ka fili kuwa kalee dihin?
“Da’daydu aad bay u yarayd markaan dareemay in
ay reerkaygu si dadban ii deyriyeen. Urugo iyo
uurkutaallo ayaan ku soo koray. Nacayb iyo caloolxumo ayaan ku soo barbaaray. Gurigeenni ayaan qaban waayay. Tira ma laha inta jeer ee aan ka baxsaday guriga, anigoo aanan garanayn meel aan aado. Yaraannimadaydii ayaan la gabsay dibjirnimada. Garashadaydu ma buuxin markaan duurjoognimada la qabatimay. Guriga intaan joogo, fara-ku-tiris bay ahayd.
Dadka gurigoo dhan ayaan cuqdadda u hayay. In aan shaqo aado ma aha ee waan ka caagganaa waxbarasho. Walaalahayoo dhan baan u caraysnaa. Sababta aan ula colloobayo way caddeyd, walow aan ka badbadinayay mararka qaar. Mawlid waa qofkaan ugu necbahay walaalahay. Markii hore maba aanan wada hadli jirin. Isna dil buu abaal iiga dhigi jiray anna habaar hoose iyo quursi baan uga aarsan jiray.”
Vendor Information
- Store Name: Hiil Press
- Vendor: Hiil Press
-
Address:
Abu bakar al siddiq road, durya, 26 june
Hargeisa
Maroodijeex
252 - No ratings found yet!
Customer reviews
Reviews
There are no reviews yet.
Only logged in customers who have purchased this product may leave a review.