Samafalayaasha xun
$14.99
Buuggan waxa qoray Ha-joon chang, waxaan turjumay Muxumed Maxamed Muxumed “Khadar”
Ha-Joon Chang waa dhaqaalayahan u dhashay Kuuriyada Koonfureed balse dalka Ingriiska ku noolaa tan iyo 1986kii, markii uu heerka labaad (oo uu diktooradana raaciyey) ee waxbarashada jaamacadda ka bilaabay Cambridge. Waxa uu isla Jaamacadda Cambridge ka ahaa bare dhaqaalaha iyo horumarinta dhiga 1990kii ilaa 2022kii. Badhtamihii 2022kii ayuu ku biiray Jaamacadda SOAS. Chang waa
dhaqaalayahan jaad-gooni ah isaga oo jaamacadaha ugu waaweyn ee galbeedka bare ka ah, haddana sida ugu xagjirsan u dhaliila hannaanka hantigoosiga iyo fiirooyinka, aragtiyaha iyo hanaannada ka farcama ee ay libaraaliyada cusub iyo carro-edegayntu ka mid yihiin.
In kasta oo aan dhaqaalaha bartay, muddo dheerna ku dhex jiray, haddana waxa aan ku jiraa dadka aadka u dhaliilsan dhaqaalaha ay reer galbeedku hormuudka u yihiin ee maanta dunida ku amarkutaagleeya iyo cilmiga dhaqaalaha ee sida badan la
dhigto (ee aragtiyaha reer galbeedku tiirdhexaadka u yihiin) oo galdaloolooyin badan leh. Markii aan buugaagtiisa akhriyey, Chang waxa uu ii xaqiijiyey tuhummo badan oo aan qabay, kuwo kalena wuu ii iftiimiyey, isaga oo ka mid noqday dhaqaalayahannada ay fikradahoogu sida ugu weyn ii saameeyeen.
Ujeeddada ugu weyn ee aan u doortay turjumidda buuggani waa in dadka Soomaaliyeed, gaar ahaan kuwa aan afafka kale si fiican wax ugu akhiriyini, ay ogaadaan sida uu u shaqeeyo hannaanka dhaqaale ee caalamiga ah iyo wax ka mid ah doodaha dhaqaale ee dunida ka taagan, oo ay ku baraarugaan dhagaraha ay dalalka hodanka ah iyo reer Galbeedku u maleegayaan dalalka soo koraya ama saboolka ah.
Waxaa laga yaabaa in ay dad badani ku kadsoomaan erayo qurux badan oo ay ka mid yihiin seylad xor ah, ganacsi xor ah, carro-edegayn, gaarayn iyo wax la mid ah, balse waxa ay runtu tahay in siyaasadaha aragtiyahan lagu hirgelinayo loo qaabeeyey qaab u danaynaya dalalka hodanka ah, isla markaana hagardaamaynaya dalalka saboolka ah.
Akhristuhu waxa uu sidoo kale ogaanayaa jidka dhabta ah ee ay dalalka maanta hodanka ahi u mareen horumarka, iyo sida uu jidkaasi aad uga fog yahay ka ay maanta dalalka saboolka ah u tilmaamaan. Buuggani waxa uu sidoo kale waxtar u leeyahay dadka dejiya siyaasadaha dhaqaale ee dawladaha ama maamullada Soomaalida. Waxa uu ka taageerayaa in aanay marin jidadkii dalalka soo korayaa hore ugu soo Jabeen iyo in aanay ku dicin dabinnadii ay ku dhaceen, balse ay abuuraan hannaan dhaqaale oo aan shisheeye u danaynayn, horumar degdeg
ahna lagu gaadhi karo.
Vendor Information
- Store Name: Hiil Press
- Vendor: Hiil Press
-
Address:
Abu bakar al siddiq road, durya, 26 june
Hargeisa
Maroodijeex
252 - No ratings found yet!
Customer reviews
Reviews
There are no reviews yet.
Only logged in customers who have purchased this product may leave a review.