Maalinkii u dambeeyay jannada

Name: Maalinkii u dambeeyay jannada
Brand: HILL PRESS
SKU: 21602
Availability: InStock

Sold by: Hiil Press

(0 customer reviews) 0 sold

$8.99

Buuggan waxa qoray Cali Amiin Yuusuf, waxaana turjumay Axmed Ismaaciil “Deeq”.

Category: SHEEKO FANEED Brand: HILL PRESS

Hiil Press

Description

“Buugga Maalinkii U Danbeeyay Jannada ee uu qoray suxufigii masaariga ahaa ee Cali Amiin Yuusuf oo noolaa qarnigii aynu soo dhaafnay, afkeenna hooyana uu inoogu soo rogay Axmed Deeq, waxa uu ka hadlayaa dood iyo sheeko dheer oo dhex martay Aadan iyo Xaawa. Doodda buuggani waa khiyaali ku dhisan qaabka uu aadamuhu uga soo baqoolay jannada, una soo gaadhay dhulkan aynu ku nool nahay, sidii uu u qabatimay nolosha meerahan, iyo sidii uu uga dabaashay caqabadihii ka hor yimid.

Guud ahaan buugga oo u dhigan qaab dood iyo safar isku jira, wuxuu u qaybsan yahay laba waaxood oo waawayn, qaybta hore waa safarka oo ka soo bilaabmaya jannada, iyadoo ay dhex socoto wada hadal kulul oo ay ugu danbayn ku gacan sarraynayso Xaawa, qaybta labaad ee buuggu waa socdaalka ay ugu soo carraabayaan meerahan dhulka, iyadooo ay iyana la socoto sida uu aadamuhu u xalliyay mushkilaadka ka jira dhulka iyo wixii ay kula kulmeen.

Wuxuu buuggu ku bilaabmayaa Xaawa oo saluugaysa nimcooyinka abadiga ah ee jannada, kuna andacoonaysa inay jeclaan lahayd nolol bilaa xuduud oo ay dhibkeeda iyo dheefteedaba iyadu madaxa u ridato, iyo Aadan oo isku dayaya inuu dajiyo caaddifadeeda, una tilmaamaya in aanay jirin meel ka wanaagsan jannada oo basharku ku noolaan karo. Marka koobaadba waxaad mooddaa inay Xaawa kaga awood badanayso Aadan doodda ah inay banaanka jannada yimaadaan.

Waxa doodda salkeedu yahay laba arimood oo illaa maantana labada jinsi ee aadamaha dabeecad ahaan ugu abuuran— labadaas arimood waa caadifadda iyo caqliga. Inta ugu badan doodda Xaawa waxa nus-dambeed u ah caaddifaddeeda. Macneheedu waxa weeye markasta aduun-arageedu wuxuu tusinayaa waxyaalo dhalanteed ah, isla markaana halgan iyo dhibaato aanay ka sokayn, shay walba oo iman doonana male wanaagsan oo xad-dhaafa ayey ka sii sawiranaysaa. Halka Aadan dooddiisa ku dhisantahay caqliga— timaadana wuxuu ku binaynayaa in la wajaho xaqiiqada, lagana fikiro sidii loo maarayn lahaa xaalad kasta oo imanaysa mustaqbalka, iyadoo la samaynayo taxliilin kabdibna go’aanka ugu danbeeya la qaadanayo.

Qaar ka mida dareenada gudeed iyo kuwa dabadeed oo ay ka mid yihiin, Jacaylka, diirimaadka iyo dabka iyo sida aadamuhu ula fal-galay ayey qaybaha hore ee buugga diiradda saaraysaa. Wuxuu intaas daba dhigayaa iyadoo ay Xaawa iyo Aadan raadinayaan gurigii ugu horeeyay ee basharku dhulka ka yagleelo, halkan waxa ku jira cashar wayn oo falsafad iyo taariikhba xanbaarsan oo ah sidii nolosha bashariyaddu u bilaabmatay iyo sida ay ahayd bilowgii hore ee kownka, guryihii la dhisan jiray iyo waliba hugii la xidhan jiray sida ay ahaayeen.

Ugu danbayn wuxuu ku soo af-meerayaa iyadoo uu ilmihii ugu horeeyay ee albaabka aduunka soo garaacayo, halkan waxa ka horeysa dood dheer oo ku saabsan sidii ay noqon lahaayeen ubadka uu Alle siinayo Aadan iyo Xaawa, Aadan wuxuu ku doodayaa inuu jeclaan lahaa in lagu arsaaqo ubad aduunka camira, shuruucda iyo qawaaniinta ilaahiga ahna aan ka hor iman, halka ay Xaawa doorbidayso in jeclaan lahayd ubad aan caqli lahayn, oo wixii ay iyagu ku amraan oo kaliya qaata, meeshan falsafadda ku jirtaa waxay tahay muhiinada ay leedahay kala duwanaashaha afkaareed iyo maskaxeed ee ilmuhu waalidkii kaga duwanaan karo”.

Reviews (0)