- You have no items in your shopping cart
- Continue Shopping
Dooxatada dhaqaale
$13.00
Buuggan waxa wada qoray Raymond Fisman & Edward Miguel, waxaana turjumay Saxardiid Axmed
Waxaa hubaal ah inaynu ku nool nahay dal ay buuxdhaafisay dooxato dhaqaale oo aan digigaxan, taas oo innaga hortaagan horumar waara iyo nolol sareedo leh, isla markaana inoo horseedday eedaad daran oo asaaggeen innaga reebay. Sidaa daraaddeed, buuggani waa dadaal yoolkiisu yahay sidii loo dabargoyn lahaa dooxatada dhaqaale ee caqabadda ku ah dacallada kala duwan ee nolosha. Buuggani wuxuu kalsamaan ka muujinayaa in dooxatada dhaqaale laga adkaan karo oo laga tirtiri karaba dal kasta oo ay ku faaftay. Si haddaba taasi u suuraggasho wuxuu marka hore ku barayaa wejiyadooda qarsoon, dhaqamadooda silloon iyo waxyaalaha taageera jiritaankooda.
Dooxatada Dhaqaale, oo ay wada qoreen labada borofosoor ee Raymond Fisman iyo Edward Miguel, wuxuu xagal duwan ka istaagayaa dhibaatooyinka dhaqaale ee dalal badan oo adduunka ah haysta. Wuxuu ku doodayaa in labada aafo ee “mataanaha ah” ee musuqmaasuqa iyo cunfigu ay sababaan saboolnimada ka taagan meelo badan oo adduunka ah oo Soomaaliduna ugu horrayso in kasta oo saboolnimaduna shidaalin karto “labadan musiibo” ee isku sidkan.
Buuggan oo ah cilmibaadhis iyo dabaggal dhaqaale, kaas oo adeegsanaya agabyo dhaqaale iyo tijaabooyin dhaqangal ah, wuxuu soo tebinayaa tabaha iyo dhaqannada dooxatada dhaqaale ee adduunka iyo bayhoofka ay baddo dalalka ay ka dillaacdo. “Daaniyada dhaqaale” oo ah gidaarka keliya ee ku hor gudban horumarka, ayuu ina barayaa siyaabaha loola dagaallamo, isaga oo ku xoojinaya sheekooyin dhabannahays leh oo caalamka ka dhacay iyo tijaabooyin dhaqaale oo taabbagal ah.
Dhinaca kale na, wuxuu is dultaagayaa doorka abaaruhu ay ku leeyihiin saboolnimada iyo dagaallada sokeeye ee Afrika la hadhay—iyo sida looga gaashaaman karo. Buuggani wuxuu, sidoo kale, ku dhex dawaafsiinayaa caalamka dahsoon ee fawdada iyo halista ah ee dooxatada adduunku ku uumman tahay iyo barta dabaysha saboolnimadu kasoo kacdo.
Vendor Information
- Store Name: Hiil Press
- Vendor: Hiil Press
-
Address:
Abu bakar al siddiq road, durya, 26 june
Hargeisa
Maroodijeex
252 - No ratings found yet!
Customer reviews
Reviews
There are no reviews yet.
Only logged in customers who have purchased this product may leave a review.