Baaqa shuuciga
$8.99
Buuggan waxa qoray Karl Marx & Friedrich Engels, waxaana turjumay Cabdicasiis Guudcadde.
Balwadda ayaa ah in qofku waxuu mar bilaabo uu joogteeyo markaasna ay ka mid noqoto arrimaha sida joogtada ah uu qofkaasi u sameeyo. Bulshadeenna badankeed waxaa caado u noqotay iska dhicin, faan iyo in qof walba uu is muujiyo iskuna muujiyo xaalad kasta oo uu jaanis ku heli karo, kadib burburkii dawladdii dhexe ee Soomaaliya waxay dagaalladii sokeeye abuureen in dadku ay isha iyo dhegtaba ku hayaan hadba qofka reerkooda u dagaalamaya ama u jabhadaynaya waxaana farxad galin jirtay bulshadii dibadda iyo gudahaba ku noollayd guusha reerkooda halka ay ka nixi jireen jabka ku yimaadda qabiilkooda, badanaa dadka aan qoriga sidan waxay ku dagaallami jireen afkooda iyagoo faannin jiray tolkooda mid run ah iyo mid been ahba. Kolka la eego dhammaan dhaqammadii isbeddelay iyo xaalladii guudba, bulshadeenaba waxaa caaddo u noqotay in badankeed ay ka xishooto inay dhahaan “Ma garanayo” wixii aanay garanayn, inay ka gaabsadaan doodaha aan
ay aqoonta u lahayn ama aanay xog ogaalka u lahayn, lumistii waxbarashada carruurta dhalatayna waxay sii kordhisay in aanay waxba baarin wax walbana ay ka noqdaan aqoonyahan arrinkasta oo laga hadlayona ay sabab u noqotay in bulshadu uga wada hadasho siday doonto illaa wax xun la wanaajiyo wax fiicanna la xumeeyo, malaha waa halka ay ka timi in la dhaliilo buug aan la akhrin.
Baaqa Shuuciga —The Communist Manifesto— waxaa wada qoray Kaaral Maarkiis iyo Fededrig Eenjalis oo ah laba faylasuuf oo jarmal ah, waxaanna afka Soomaaliga ku tarjumay Cabdicasiis Guudcadde ahna tarjumaanka buugga Kaalinta Indheergaradka iyo qoraaga buugga Sicirbararka Fatwada, waanna qoraa badanaa baraha bulshada wax ku qora.
Buuggan ayaa buuq badan dhaliyay iyadoo dad badan dhaliilayaan akhrintiisa, tarjumiddiisa iyo in la d gatoba, ma xuma in buug la dhaliilo oo waxa ku qoran laga biyo diido balse in iyada oo aan la akhrin la noco waxa ku qoranna aan la dersin ayaa ah caqabad weyn oo xiriir la leh ararta sare ee is muujinta ah. Tarjumaha buuggan ayaa hordhaca buugga kaga sheekaynaya meesha ay isla soo mareen akhrinta iyo baadhitaanka falsafadaha Maarkisamka wuxuu tilmaamayaa in kadsoomidda dad akhriyay ama aan akhrinba wax ay ka dheheen uu ugu dhacay inuu jeclaado sidaa si lamid ahna dadka qaarkii ayba ku neceen Maarkis ayuu kusoo gabagabayn in safarkaas uu soo maray ay kasoo rartay qof Maarkisiyadda cabsan oo ay u rartay qof Maarkiisiyadda fahansan. Waxan oo dhan waxaan uga socdaa in nicitaanka iyo jeclaanshaha wax aan marnaba lagu qiimayn waxa uu qof kale ka aamminsan yahay oo aan qofka barashadiisa hortiis la nicin ama la jeclaan.
Akhrintan buuggan waxaa iiga horreeyay buugga “Jidka falsafadda runta ah loo soo maray” —Dhunkaal ayaa qoray Sayyid Ka
Kuna wuu faahfaahiyay— iyo “Hordhaca Falsafadda – Introduction of Philosophy” labadan oo marjac u noqday fahanka iyo fududaynta inaan akhriyo wixii xiriir la leh falsafadda iyo dadkii saamaynta ku lahaa. Shuuciyadda iyo Hantiwadaaga, Burjuwaasiyiinta iyo Boroolataariyiinta, Maarkiisiyadda iyo hantiwadaagga, Hantigoosadka iyo Burjuwaasiyiinta iyo Suugaanta Shuuciyadda ayuu dhiganahani kala furfurayaa. Wuxuu ka hadlayaa buuggani si guud ahaan ah waxa ay u dhisan tahay Shuuciyaddu iyo siyaasadeheeda ay hiigsinayso, waxay soo bandhigaysaa cidda ay u dagaalamayso ama ay u doodayso, qaabkay wax u rabto iyo weliba cidda ay duulaanka ku tahay.
Kacdoonka ku sallaysan dabaqadaha ayaa ah sababta samaysanka xisbigan kaas oo kicinayaa quluubta shaqaalaha ku dullaysan dunida. Waxaan aamminsanahay in tarjumidda buuggan uu muhiim u yahay ummadeena iyadoo aan la qaadanayn fikradaha Shuuciga ah ayay hadana baraarug u tahay in shaqaalaha Soomaalidu ay dareemaan inay u baahan yihiin nolol xor ah iyo inaan dhidhidkooda lagu abuurin Hantigoosi iyo inaan dhiigmiiratadu ku daacdaacin waqtigooda iyo biyaha ka hoobanaya.
Afka lagu tarjumay buuggan ayaa ah mid hodon ah oo aad ka dhex dareemayso cufnaan weyn iyo in waqti badan uu galiyay qoraagu, sharaxaadaha qaarkood ayaa iyaguna ah kuwa cajiiba oo waaya aragnimo afeed ka muuqato.
Qodobadaba qaar ee ay Shuuciyaddu doonayso inay soo afjarto ayaan mudnay in la taageero sida Dhaxalka waa haddaanay wax ku hoos duugnay e, waxaase cad in barnaamijkan loo dejiyay baaqa Shuuciyadda inaanay lahayn wax weyn oo laga baqo balse aayar in qofku waxa uu diido uu iska reebi karo waxa uu ka helona uu ka qaadan karo illayn ma jirto cid kugu qasbaysa qaadashada afkaartan. Waxaadna ka dhex arkaysaa inay Maarkis iyo Eenjalis ay na lee yihiin:
“Shuuciyiintu way ka yaqyaqsoodaan in ay fikradahooda iyo himilooyinkooda qariyaan. Waxay si furan ugu baaqaan in yoolkooda lagu gaadhi karo uun in si juujuub ah afweynta loogu rogo xaaladaha bulsheed ee sii jira. Dhabaqadaha taliyaa ha ku kala daataan kacdoon Shuuci. Hadday taasi dhacdana, boroolataariyadka waxa keli ah ee ka lumayaa waa silsiladihii ku jabnaa. Waxaanu helayaa caalam uu ku guulaysto.
Shaqaalaha dunidow, midooba!”
Vendor Information
- Store Name: Hiil Press
- Vendor: Hiil Press
-
Address:
Abu bakar al siddiq road, durya, 26 june
Hargeisa
Maroodijeex
252 - No ratings found yet!
Customer reviews
Reviews
There are no reviews yet.
Only logged in customers who have purchased this product may leave a review.